ხანძთელის ფონდი
“ხანძთელის ფონდი” 2008 წლის ბოლოს “სინერჯი ჯგუფის” მხარდაჭერით დავაარსეთ. გადავწყვიტეთ, დაგვეწყო ქველმომედება სწორედ აგვისტოს კრიზისის შემდეგ, როდესაც ყველაზე მეტად უჭირდა ქვეყანას. ოფიციალური საქველმოქმედო ორგანიზაციის სტატუსი 7 წლიანი აქტიური ქველმოქმედების საფუძველზე მოვიპოვეთ.
2015 წლიდან კი საქველმოქმედო პროექტებთან ერთად, განვითარების პროექტებშიც ჩავერთეთ და ვეხმარებით ისეთი იდეების განხორციელებას – რომლებიც ქმნიან საზოგადოებრივ ღირებულებას. ფონდის მიზანია დაეხმაროს ადამიანებსა და ორგანიზაციებს უფრო მეტი და უფრო ღირებული ქველმოქმედების განხორციელებაში.
ჩვენი მიზნის მისაღწევად ვთანამშრომლობთ ან/და ვეხმარებით ფორმირებაში ქმედით არასამთავრობო ორგანიზაციებს, რომლებიც თავის მხრივ მნიშვნელოვან თემებზე მუშაობენ. მათ შორის არიან შემდეგი ორგანიზაციები:
- გენი ქართული - რომლის მიზანია საქართველოში დემოგრაფიული მდგომარეობის გაუმჯობესება
- ახალი საზოგადოება - ორგანიზაცია ზრუნავს რაც შეიძლება მეტი მოზარდი ჩაერთოს და დაკავდეს ჯანსაღი ცხოვრების წესით
- ეკოლოგიკა - ორგანიზაციის დანიშნულებაა გარემო, მისი მუდმივი გაუმჯობესებითა და გაჯანსაღებით, ნაკლებად საზიანო გახადოს ადამიანთა ჯანმრთელობისთვის
